منتديات مكه للأزياء
مرحبا بك عزيزي الزائر. نرجو منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائه

الزواج فى مصر من اول فرعون الاول لغايه خليك كووول يا مان!

اذهب الى الأسفل

85 الزواج فى مصر من اول فرعون الاول لغايه خليك كووول يا مان!

مُساهمة من طرف medo857 في السبت مارس 14, 2009 2:28 am

طرق الزواج

مصر الفرعونية

بابا انا عايز اتجوز اختى حت حور
خلاص يا ابنى خليها تنقل حاجتها فى قوضتك.. وابقى هاتلها حجرين صوان هدية..
مبروك يا تاح

مصر فى عصر الرومان

تتجوزينى يا افروديت
اتجوزك يا بانسيلوس
يللا بينا نبنى كوخ ع البحر ونعيش هناك يللا


مصر بعد الفتح الاسلامى

ولدى خالد يا شيخ احمد بيريد يتجوز ابنتك البكر الكريمة.. وبيبنى خيمة.. ويقدم مهر بعير
والله خالد ولدك زين الرجال .. وايش اتمنى غير رجل صالح يكون زوج لبنتى ..



قيموا الافراح

مصر 1919

انت ح تتجوز بنت الحاج عبد الجليل .. انا كلمته خلاص ووافق .. وضب قوضتك وهات خلخال .. فرحك يوم الخميس اللى جاى
طب مش اشوفها الاول يابا
انت اتجننت يا ولد تشوفها ده ايه .. انت ح تتجوز والا تخبص حاضر يابا


مصر 1960

بقى يا ستى بنتك آمال جالها عريس
ياألف نهار ابيض يا ألف نهار مبروك
جدع طيب وابن حلال موظف فى الحقانية .. وماهيته مش بطالة .. اهو يبنوا حياتهم سوا بعد الجواز.. والا ايه رأيك يا أم العروسة؟
الرأى رأيك يا أبو العروسة .. والله العيال ح يعجزونا يا ابو محمد
فشر .. تدبل الوردة وريحتها فيها يا نرجوستى


مصر فى عصر الانفتاح

اخرسى يا بنت... انا اللى يتجوز بنتى لازم يكون عنده شقة تمليك وعربية وسوبر ماركو
بس يا ماما
ما فيش بس.. انا وابوكى قبل ما يموت فى الحرب كانت بتعدى علينا ايام ما بنلاقيش ناكل.. انا يا بنتى مش عايزاكى تتعذبى زى ما احنا اتعذبنا.. انتى ح تتجوزى فتحى ابن خالتك
بس انا مش بحبه يا ماما
الحب ما بيأكلش تونة فى الزمن ده يا فالحة
امرك يا ماما


مصر 1990

البنت: بابا ريكو حييجى يقابلك بكره وهو راجع من المول مع ديدى متتكلمش معاه فى اى ماديات من فضلك انا بشترى راجل واحنا معانا كتير وبعدين الكلام فى المهر والعفش والقايمه والفرح ده موضه قديمه وحاجات بلدى ياى
انا اتفقت معاه على كل حاجه والفرح فى كافيه ماريانو فى المعادى على الضيق كده وانا جيت اعزمك انت ومامى
الاب: مبروك يا حبيبتى


مصر 2008

بابى دودى اللى اتعرفت عليه من الشات مشغل الويب كام و عايز يكلمك علشان يقراء معاك الفتحه اصله ملتزم اوى و مصمم يدخل البيت من ماسنجره اقصدى من بابه
الاب: على خيرة الله يا بنتى ده شكله فعلا ملتزم روحى شغلى الكاميرا و الميك واناهلبس انا و مامتك ونجى نقراء الفتحه مش انتوا اتفقت على كل شى يا روحى يلا ربنا يتمملكم بخير

وصباح الخير يا مصر

_________________
avatar
medo857
مشرف
مشرف

ذكر عدد الرسائل : 1370
العمر : 33
تاريخ التسجيل : 21/11/2008

الرجوع الى أعلى الصفحة اذهب الى الأسفل

85 رد: الزواج فى مصر من اول فرعون الاول لغايه خليك كووول يا مان!

مُساهمة من طرف medo857 في السبت مارس 14, 2009 2:42 am


_________________
avatar
medo857
مشرف
مشرف

ذكر عدد الرسائل : 1370
العمر : 33
تاريخ التسجيل : 21/11/2008

الرجوع الى أعلى الصفحة اذهب الى الأسفل

85 رد: الزواج فى مصر من اول فرعون الاول لغايه خليك كووول يا مان!

مُساهمة من طرف emad في السبت مارس 14, 2009 2:50 am

ولا حول ولا قوة الا بالله العلى العظيم
فعلا حاجه تكسف بقينا امريكان خلاص
اسف قصدى ومتزعلوش منى بقينا الحمير
اللى سيقاها امريكا وبتحركها زى متحب
وده طبعا مقابل البرسيم يووووووووه
اسف قصدى القمح والمعونه اقلكم
يلا شييييييى يووووه قصدى بااااااى

_________________
avatar
emad
المدير
المدير

ذكر عدد الرسائل : 1959
العمر : 36
الموقع : http://maka.own0.com
تاريخ التسجيل : 18/10/2008

http://www.atilihmaka.jeeran.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى