نكت صعايدة ... وسودانيين

واحد قتل حماته سأله الضابط:
اسمك أيه
قاله:
اكتب عندك فاعل خير
*****
واحدة صعيدية اتجوزت واحد لبناني
حمل منها*****
صعيدي قالوله: بكره عيد الحب
قال : يوووه ايه الورطة دى!
وده صلاته ازاي*****
حشاش شاف سوداني لابس جلابية بيضة ...
قاله: دي اول مرة اشوف ثلاجة موتورها لفوق*****
صعيدي وامريكي
الامريكى قال للصعيدي: وصلتو فين بالتطور
الصعيدي رد وقال: ياعم تطور ايه دا احنا رجعنا لورا،
ثم سأل الصعيدي الامريكي: انتو وصلتو فين بالتطور الامريكي
قاله: احنا وصلنا بالتطور
اذا القمر الصناعى عطل في السما نقدرنصلحه
الصعيدي فكر شوية وقال: يااااااااااااااه هو المفك بتاعكم طوله أد ايه
*****
محشش بيحل الكلمات المتقاطعة
مثنى صخرة : ح ج ر ي ن
من اجزاء الجسم : د م ا غ
رتّب : ر ص
من ابراج الحظ : ا ل ج و ز ة
يجيدها الترزى : غ ر ز ة
لمعس مبعثرة : م ع س ل
اداة استفهام : ك ي ف
تجدها فى سمبوكسة : ك ب س ة
ملقاط كبير : م ا ش ة
من اوصاف الدنيا : غ ا ب ة
يجذب : ي ش د
جمع شهيق : ا ن ف ا س*****
ايه أسرع ثلاث وسائل للاتصالات؟
Telephone
Television
Tell -a- Woman
*****
واحد في مسابقة من سيربح المليون اتصل بصديق
وقال له: الو محمدين
معانا 30 ثانية
رايك احذف اجابتين
ولا استخدم الجمهور*****
مرة واحد حب يسكر فقرر الذها ب إلي اقرب بار
وفي البار إستمع إلي حوار يدور بين أثنين سكرانين:
1: مساء الخير
2: مساء النووور
1: هو الأستاذ منين ؟
2: انا من القاهرة
1: يا محاسن الصدف اصل انا كمان من القاهرة
2: هو حضرتك منين من القاهرة
1: انا من المطرية
2: يا محاسن الصدف اصل انا كمان من المطرية
1: هو حضرتك منين من المطرية
2: شارع التحرير
1: معقولة ؟ اصل انا كمان من شارع التحرير
2: يااه مش ممكن
1: هو حضرتك منين من ش التحرير
2: انا من عمارة رقم 40
1: مش ممكن اصل انا كمان من نفس العمارة
2: هو حضرتك ساكن في الدور الكام
1: انا في الدور الثالث
2: مستحيل دا انا كمان في الدور الثالث
1: يااااااااااااااه شوف الصدف يا اخي تبقي ساكن في نفس المنطقة
والشارع و كمان نفس الدور في العمارة و مانعرفش بعض
2: اه والله حاجة غريبة فعلا
1: هو حضرتك في اي شقة بالظبط
2: اللي جنب السلم
1: مستحيل دانا كمان ساكن في نفس الشقة
و طبعا صاحبنا في اللحظة دي كان هايتجنن
جه صاحب البار و قال له :
ياعم ماتخدش في بالك
ده واحد وابوه بيجوا يسكروا هنا كل يوم*****
واحد مسطول بيقول لصاحبه:
مش عارف يأ أخي عود الكبريت ده ما بيولعش ليه
مع إنه لسه مولعو من شوية*****
بيقولك مرة واحد قرر يرشح نفسه رئيس الجمهورية،
مسكوه بتوع أمن الدولة
وقالولو: أنت عبيط ولا ايه؟
قالهم: هو شرط؟*****
الاول : آبا .... انا حلمت اني دست على قزازه ورجلي اتفتحت
الثاني : احسن علشان تبطل تنام حافي*****
واحد طلع برج القاهره ....
وكان بيشب من السور وهو بيتفرج ... فطبعاً وقع ....
وهو في السكه قال: ابقى عيل لو طلعت البرج ده تاني*****
عملوا مسابقه لتعجيز الكمبيوتر عن اي سؤال
كل ما حد يسأل سؤال عن اي حاجه ..
يجاوب عليه الكمبيوتر بالتفصيل في اقل من دقيقه
جه واحد مسطول حط ورقه فيها السؤال بتاعه ......
الكمبيوتر اتحرق وطلع دخان وهباب
الناس قالتله : سؤالك كان ايه ؟؟
قاللهم : قلت له ابو قردان قبل ما يخلف قردان كان اسمه ايه؟؟؟*****
صعيدي خرج من محطه القطر في الجيزه
لقى واحد لابس بدله شيك قوي وواقف عند محطه الاتوبيس ......
واحده ست عجوزه جات قالتله :
قولي يابني انا عايزه اروح السيده زينب اركب ايه ؟ .......
الراجل الشيك : إركبي اتوبيس 923
شاب جه سأله :
قولي يا استاذ انا عايز اروح لعبد المنعم رياض اركب ايه؟؟
الراجل الشيك : اركب اتوبيس 109
صاحبنا راح يسأله :
قوللي يا بيه ...
انا عايز اروح لعتريس ابن عمي اركب ايه ؟؟؟

*****
صعيدي تاه في الصحراء هو وواحد امريكي وواحد الماني
لقوا مصباح علاء الدين السحري ....
مارضيوش يخلوا الصعيدي يدعكه علشان ما يموتش الجني .......

الامريكي دعكه طلع الجني وقال : كل واحد ليه طلبين بس
الامريكي: انا عايز احدث كمبيوتر في العالم

وطياره ترجعني بلدي
في ثواني كانت الحاجه عنده ومشي
الالماني : انا عايز احدث عربيه مرسيدس

وطياره ترجعني بلدي
في ثواني كانت الحاجه قدامه ومشي
الجني قال للصعيدي: وانت ؟؟
الصعيدي : عايز طبج كشري
الجني جابله الكشري وقعد يأكل فيه ............
وبعد لما خلصه الجني سأله : طلبك التاني ايه؟؟
الصعيدي : واحد كمان وحياة ابوك

*****
مسطول خبط واحد بالعربيه ...
وفي التحقيق دار الحوار التالي:
الضابط : خبطته بالعربيه ازاي ؟؟
المسطول : يا بيه انا اديتله كلاكس ...
وجبتله نور .. وادتله فلاشر ..
وهو اللي ما رضيش يبعد عن طريقي ..
اعمل له ايه اكتر من كده ؟؟؟
الضابط قال للمصاب:
بيقول انه ادالك كلاكس وفلاشر وانت مارضيتش تبعد عن طريقه.....
ليه ؟؟
المصاب : يا بيه انا قاعد في البقاله بتاعتي ...
ابعد اروح فين ؟!؟

*****
اتنين مساطيل طينة
طبلت معاهم ان اول واحد هيعدى من الشارع
يقطعوا رقبته ويلعبوا بيها كورة
فلقوا واحد معدى من الشارع
اتارية مسطول اكتر منهم
وقفوه وقالوله: احنا طبلت معانا نطير رقبتك
ونلعب بيها كورة
راح مطلع سكينة وضربها فى دماغه
وقالهم: دا انا افسيها قبل ما تلعبوا بيها

*****
مرة واحد ماشي على الصحراوي
لقى يافطة مكتوب عليها: خفف 100 كم
فراح مخفف سرعته شوية
ولقى يافطة: خفف 50 كم
راح مخفف شوية كمان
و بعديها لقى يافطة تانية: خفف 10 كم
راح مخفف كمان
وبعدين لقى يافطة:
مرحباً بكم في خفف
*****
قررت هيفاء وهبي تقديم فوازير رمضان قبل الفطور
عملا بمبدأ :
من أفطر صائما كان له مثل اجره*****
مره واحد صعيدى دخل محل اجهزه كهربائيه
علشان يشترى تلفزيون
دخل سال صاحب المحل:
بكام التلفزيون ده؟
صاحب المحل قالو:
امشى ياد .. مابنبعش لصعايده
الصعيدى راح حلق شنبو ولبس بدله ورجعلو تانى
وسألو: بكام التلفزيون ده؟
قالو: امشى ياد مابنبعش لصعايده
الصعيدى اتجنن
راح لبس واحده ست ورجعلو تانى
وقالو: بكام التلفزيون ده؟
قالو: امشى ياد مابنبعش لصعايده
الصعيدى قالو: انت بتعرفنى صعيدى ازاى؟
صاحب المحل قالو: عشان دى غساله مش تلفزيون
*****
مرة اثنين عندهم كلاب صيد
صاحب الكلب الأول أول ما يضرب طلقة من البندقية
يجرى الكلب و يروح يجيب الفريسة
والثاني أول ما يضرب الطلقة كلبه يكّسف
فنصحه صاحبو انه يروح أفراح في الأرياف،
فالكلب هيتعود على صوت الرصاص
راح الأرياف وفضل يحضر في أفراح لمدة 6 شهور
وبعدين رجع يصطاد،
راح ضارب طلقة من البندقية
راح الكلب وقف على رجليه
وقعد يزغرد*****
محشش بيتصل بالمطافى:
إيه يا جماعة؟
إذا ماكانش فى حريقة ماحدش يشوفكوا*****
مره واحد ومراته دخلوا محل جزم
فقال لصاحب المحل: هتلها جزمه زحافي
قالتله: لا بكعب
قالها: لا زحافي
قالتله: لا بكعب
فصاحب المحل زهق منهم
قال للراجل: ياعم هاتلها بكعب
هو انت اللي بتلبس
قالو: ياعم انت مالك
هوانت اللي بتنضرب
*****
واحد صعيدى سافر بالطيارة ومعاه قرد
قالت المضيفة: الحيوان ده معاك ......
قام القرد هز راسه